En ekki lengur. Með dyggri aðstoð fjölmiðlafólks, semanber erlendar fréttir Sjónvarpsins í kvöld er orðið *gífurlegt* orðið merkingarlaust. Það kemur nú í stað orðanna mikið, umtalsvert, þó nokkuð. Ofnotkun af þessu tagi útrýmir merkingu gamals og góðs, forníslenzks orðs, sem gjarnan mætti nota í hófi til að auðga eða krydda frásögn.
Ef til vill er þetta hluti af öfugþróun í fréttaflutningi, sem orðið hefur vart á síðustu árum; tilhneigingu í þá átt að ofgera í frásögn. Í stað þess að segja að hús hafi verið sprengt, er nú að öllu jöfnu sagt að það hafi verið sprengt "í loft upp!" Jafnvel flugvélar á flugi hafa í fréttatímum verið sprengdar "í loft upp" þótt líklegra sé að þær hafi verið sprengdar til jarðar niður. RUV sagði áðan að Angela Merkel kanslari njóti "gífurlegra" vinsælda. Kosningaúrslit benda til vinsælda, en varla tröllslegra.
1 ummæli:
Lika skemmtilegt að velta fyrir sér lýsingarorðum sem notuðu voru fyrir nokkrum áratugum og nú. Orðið "ægilegt" sem er eitthvað óttalegt var notað áður sem "ægilega skemmtilegt". Sjálfsagt er lýsingin "geðveikt skemmtilegt" ekki betra en sýnir ef til vill breytingu á málinu.
Skrifa ummæli